یار کو ہم نے جا بجا دیکھا​

یار کو ہم نے جا بجا دیکھا​

کہیں ظاہر کھیں چھپا دیکھا​

​

کہیں ممکن ہوا کہیں واجب​

کہیں فانی کہیں بقا دیکھا​

​

کہیں بولا بلیٰ وہ کہہ کے الست​

کہیں بندہ کہیں خدا دیکھا​

​

کہیں بیگانہ وش نظر آیا​

کہیں صورت سے آشنا دیکھا​

​

کہیں وہ بادشاہِ تخت نشیں​

کہیں کاسہ لئے گدا دیکھا​

​

کہیں عابد بنا کہیں زاہد​

کہیں رندوں کا پیشوا دیکھا​

​

کہیں رقاص اور کہیں مطرب​

کہیں وہ ساز باجتا دیکھا​

​

کہیں وہ در لباسِ معشوقاں​

بر سرِ ناز اور ادا دیکھا​

​

کہیں عاشق نیاز کی صورت​

سینہ بریان و دل جلا دیکھا​

شاہ نیاز بریلوی